Gjithashtu një rëndësi tepër të veçantë i japim sigurisë dhe menaxhimit të të dhënave të klientëve, duke respektuar ligjet në fuqi mbi ruajtjen/sekretin e të dhënave. Në sajë të infrastrukturës solide, përdorim programet më inovative në treg për menaxhimin e të dhënave, duke garantuar krijimin e fjalorëve shumë gjuhësh (Multilingual Glossaries), memorie përkthimi ( Translation Memory ) gjithashtu edhe terminologji të dedikuar për çdo klient.
Përkthime Teknike
Puna dhe ekspertët tanë i nënshtrohen një kontrolli të vazhdueshëm cilësie dhe falë kësaj dokumentat tona teknike janë të përshtatshme për përdorim në të gjithë tregjet ndërkombëtare. Ne zotërojmë përkthyes të specializuar për çdo sektor ku biznesi operon, për të garantur një shërbim unik dhe të garantuar.
Përkthime Farmaceutike & Mjekësore
Sektori Farmaceutiko-Mjekësor është sektori më i rëndësishëm, sepse jo vetëm ka ndikim të drejtpërdrejtë në jetën njerëzore, por edhe terminologjia e përdorur në këtë sektor është mjaft specifike.Prandaj përpiqemi të jemi gjithmonë të informuar mbi ndryshimet e pajisjeve dhe makinerive mjekësore, nëpërmjet trajnimeve periodike të vazhdueshme. Profesionistët tanë janë vazhdimisht në kontakte me universitete dhe qendra mjekësore të specializuara për t’u përditësuar mbi ndryshimet në terminologjinë përkatëse. Ofrojmë burime dhe mjete të ndryshme për të përmbushur më së miri këtë objektiv pasi të programojmë të ardhmen është karakteristika jonë.
Përkthime Ligjore
Në çështjet ligjore një fjalë e vendosur gabim mund të ndryshojë mbarëvajtjen e një proçesi ligjor dhe për këtë arsye përkthyesit tanë ligjor janë të specializuar dhe gjithmonë të përditësuar mbi ndryshimet në terminologjinë ligjore, duke garantuar cilësinë e produktit final. Ne garantojmë kuptimin e teksteve të përkthyera duke vënë në dispozicion bashkëpunimin edhe me zyra ligjore dhe studio ndërkombëtare.
Përkthime Tregtare & Marketing
Një përkthim i zakonshëm, i painformuar mbi risitë e tregut mund të zbehë strategjinë e marketingut dhe mesazhin që përmban, prandaj i kushtojmë një rëndësi shumë të veçantë “detajit”. Falë rrjetit të gjerë dhe degëve që kemi në botë garantojmë një përkthim i cili adaptohet në mënyrë perfekte me vendin ku do të përdoret dokumenti. Në sektorin marketing dhe tregtar keto elemente bëjnë diferencën midis suksesit dhe dështimit.
Përkthime financiare
Rritja e vazhdueshme e tregjeve globale krijon mundësi dhe njëkohësisht paraqet sfida për kompanitë që operojnë ndërkombëtarisht. Ne ofrojmë komunikim profesional në gjuhët kombëtare dhe rajonale të të gjitha tregjeve përkatëse duke përdorur një kombinim të ekspertizës gjuhësore me teknologjinë më të lartë.
Përkthime Software & IT
Software dhe Hardware në tregjet ndërkombëtare, që të jenë të përdorshëm nga klientët, duhet të përshtaten në gjuhën e tyre amtare. Kjo përfshin udhëzimet në ekran, manualet dhe materialet e trajnimit. Falë nivelit tonë të ekspertizës ne mund t’ju ndihmojmë për çdo projekt të përkthimit të Software dhe Hardware.